فرشاة ولون
صفحة سوداء
رسم خط ابيض بعرض الصفحة السوداء
وضع فرشاته
الصفحه السوداء اصبحت ذات خط ابيض
فرشاة ولون
صفحة سوداء ذات خط أبيض
أعلى يمين الصفحة السوداء ذات الخط الابيض
رسم قرص ذهبي ولون ابيض يميل للصفرة يلتقي اللون بالخط
وضع فرشاته
الصفحه السوداء ذات الخط الابيض اصبحت بلون الشمس
فرشاة ولون
رسم ارض خضراء تسبح الى اللون الذهبي للشمس
فرشاة ولون
رسم طائر يعانق الشمس
فرشاة ولون
رسم طفل بلا ملامح
فرشاة ولون
رسم عينان وبسمة على ثغر
فقط ببعض الوان وفرش
هناك 15 تعليقًا:
طب ممكن أنفخ فيها الروح ؟
ممكن أحس فيه بحياة !!!
و لو الألوان ساحت والأبيض جَه عالأخضر ودارى الطير ورا لون لاهو أبيض ولا أسود .. يمكن رمادي !!
زي الغيامة ..
ولو الطفل اللي إترسم من غير ملامح ملقاش لون لعنيه !!
أو فرشة ترسم البسمة عالثغر اللي اترسم حنقوله إيه !!
ده لو اترسم ..
طب ممكن أحط في وسط الخضرة وردة !
ولاّ حأخبط في حجرة !!
ومين بيرسم ، ويرسم ليه ؟
وليه تجبر طفل إنه يضحك أو حتى يبكي !!
ليه توجده ، وليه تخلقه ..
ليه ترسمه ؟
طب لو سأل .. و في عينه حزن وألم ..
ليه أترسم ؟
حتقوله إيه !
ازيك واية اخبارك ؟؟
انا مش هعلق على الموضوعلانه كالعادة موضوع جميل وفية تعمق فلسفي.. انا تعليقي على الشكل الجديد للموقع حقيقى ميه ميه
تحياتي
نحب ان نرسم اشياء جميله فى حياتنا
نرسم املا يطل علينا كطله الشمس فى الشروق دفئ فى عز البرد نحتاج الى ان نرسم الوردود كى تعطينا املا جديدا
لو الالوان تقدر تمحى كتير من الحزن
ولو الفرش تقدر تصنع البسمه
نولنى فرشه هرسم وطن
Kmt
هل هى نوع من الأمل لمن قست فى وجهه الحياة؟!
لمن امتنعت عنه أسباب البسمة,فقرر أن يرسمها لو على الورق, على وجه طفل على أرض خضراء غير موجودة فى واقع يابس ووراءه أشعة تعطى بصيص ضوء وأمل !
فلنرسمها إن لم توجد... ربما!
تحياتى
السلام عليكم وحمة الله وبركاته
احمد
طب وليه كفايه اني خططت ورسمت
دي رغبتك لو عايز تحسها هاتلاقيها
لو الالوان ساحت هاتتولد لوحه تانيه
وحياة تانيه
المادي والغيمات طريق لحباة الحياة من السماء يقال عنها المطر
لو ملقاش لون لعنيه
يختار لون لعنيه
ليه يستنى اللي رسم
حانقوله ارسم بسمتك دمعتك لانك خلاص اتوجدت والخروج مش لعبتك
دخولك اللعبه مش اختيارك وخروجك كمان مش اختيارك
فالعبها كماتشاء
ارسم لنفسك ضحكة او دمعه وانتظر حتى مجيء رسام
ولو خبط ف حجر كسره او زيحه من طريقك وحط بذرتك
ولو صعب عليك سيبه ما للوحه واسعه هنا حجر هناك سهل ممتد حتى نهايية الافق
ومين بيرسم ، ويرسم ليه ؟
اللي بيرسم انت وانا وهوا وهيا وكلنا ماهي اللعبه كده
ياما ترسم ياتترسم ياما اللي الانتين سوا
وليه تجبر طفل إنه يضحك أو حتى يبكي !!
ليه توجده ، وليه تخلقه ..
ليه ترسمه ؟
انا مجرد برسمه لكن وجوده مش لعبتي
وجوده لعبته هوا
طب لو سأل .. و في عينه حزن وألم ..
ليه أترسم ؟
حتقوله إيه !
هاقوله كان حقي اني ارسم
لكن وجودك بجد مش ذنبي انا مجرد رسمت خطين ع الورق لكن وجودك جو اللعبه كان قدر
ما انا قبلك اترسمت
ودخلت برده اللعبه قدر
ولازم تلعبها
وياتنتصر .........يا تنتصر مافيش حل تالت
:)
medus
شكرا لك بجد
الحمد لله انها عجبتك
واضح ان التمبليت القديم كان جد سيء الحمد لله اننا خلصنا منه
رومنسي
ما هو الرسم حلم
بس ياريت مش يفضل ع الورق وبس
كيمو
وليه تستنى اناولك فرشه
ماتروح انت تاخدها
ونقي الوانك وارسمها
تحياتي
الى اللقاء
بداخلنا جميعا تلك اللوحة مع اختلاف الالوان ومع اختلاف قدرة الرسام على الرسم بهذه المهاره وتنسيق الالوان بهذه الروعة
قد يكون الخط ابيض وقد يكون عند الاخرين احمر او اكثر سوادا من اللوحة لكنه في النهاية سيكون حالة تمثل صاحبها كل حسب قدرته على الرسم ودقته في اختيار الالوان
لكن سؤالي المحير من سيتولى عملية الرسم والاختيار في هذه اللوحة
القلب ام العقل ام الاثنان معا؟؟
كالعادة موضوع اكثر من رائع
تحياتي
لديك هواية الكتابة ؟
هواية تأليف الشعر ؟
هواية الرسم والفن التشكيلي؟
هواية تصميم الأزياء ؟
أم هواية الرسم الرقمي ؟
مهما كانت هوايتك
فانضم لنا في مجتمع هوايتي
مجتمع الهوايات العربية
من هذا الرابط
http://www.hwaity.com/vb/
ننتظر زيارتكم وتشريفكم لنا
السلام عليكم ورحمة الله وبركاته
مواطن مصري
شكرا
لمرورك
احمد ( انا حر )
لكن سؤالي المحير من سيتولى عملية الرسم والاختيار في هذه اللوحة
القلب ام العقل ام الاثنان معا؟؟
أحمد
العقل محله القلب
الاتنين يرسموا بس المهم اننا نعمل
مش نعد نستني اللي يرسم لنا
وحشتني تعليقاتك وبوستاتك كمان
غير معروف
شكرا لدعوتكم
تحياتي
الى اللقاء
المهم ان الرسم فيه شمس يعني في دفئ وامل ونور
Kemet
قد ايه بوست جميل قوي حاسس كمان انك في حياتك بتمري بنقله معينه البوست الاي فات قلت ان ده اجمل بوست قريته ليكي بس مش علشان باقي موضوعاتك مش حلوه بالعكس انا بجد بتعجبني موضوعاتك جدا بس طريقتك في التعبير اختلفت بقت رمزيه اكتر وده عكس الاي اعرفه عن اسلوبك في الكتابه واتعودت عليه من اول بوست ليكي
اتمني تستمري علي الخط ده
بس كده هيتعبني قوي
علشان هفكر قوي علشان احس بالاي جواكي وبين السطور تحياتي
تامر الحسيني
انسان عاشق حر
فيه خط ابيض ولون الشمس الذهبيه يعني فيها كل ما يشع للامل والنور والتفائل بالفعل نستطيع محو الظلام والعيش فيه حياه مليئه بدف المشاعر نحن من نشكل الحياه وليس من يَشكل له الحياه
بقولك ايه لما انتى تنولينى الفرشه واى حد يناولنى الالوان يبقى ساعدنا بعض اننا نرسم الوطن
السلام عليكم ورحمة الله وبركاته
شمس النهار
طبعا ماكنتش الرسمه تنفع من غير شمسه منورة
ايه رأيك اي خدمه
:)
ـــــــــــــــــــــــــــــــــــــــــ
تامر الحسيني
المفروض ارد بإيه ع الكلام ده
بتحملني مسئوليه كبيرة
بأن الموضوع اللي بعد كده يكون اعمق
هو فعلا زي مانت قولت هو اتجاه لاخذ قرار بعدم الاستسلام لاي مشاعر سلبيه
عارف بأقلم نفسي
علشان لما اخد القرار مش ارجع فيه.
ـــــــــــــــــــــــــــــــــــــــــــ
كيارا
كيارا تمام انتي وصفتي كل المقصود من البوست ده
ـــــــــــــــــــــــــــــــــــــــــ
كيمو
يعني حد يناولك فرشه وحد يجيب الوان وانت تعمل ايه
مشرف
D:
تحياتي الى اللقاء
إرسال تعليق