الأربعاء، 15 أبريل 2009

لا اتصورني بعده

منذ وقت بعيد وهذا العدد يتوقف عنده خيالي لا اتصورني بعده
في السابع عشر من الشهر الحالي انهي ان شاء الله عامي الخامس والعشرين في هذه الدنيا
منذ زمن وهذا العدد يمنعني من تصور ما بعده
أوقات أفكر أن لا بعده
وأوقات يقف تفكيري بل فلنقل يعجز عن تخيل أي شيء..........
ربع قرن من الزمان عشته قد يكون هو عمري كله لذا لا أرى بعده شيئا وهذا لا يُخفني بل على العكس........ وقد يكون نصف عمري ؟؟!!
مهما كان فقد مر وكأنه الماء حينما تحاول الإمساك به لا يبقى في يديك إلا قطرات
قطرات فقط هي ما يمكن أن تستفيد منها
هكذا العمر أيام وشهور وسنين ما تستفيد منها إلا بما يعادل تلك القطرات
مرت خمس وعشرون عاما وأراني لم أحقق ما أردت ليس احباطا ولكنها مسئوليتي وخطأي
المثير للعجب أني عشت فعلا خمس وعشرين عاما ولم أشعر أني فعلا ملكت هذا العمر
وكأني استيقظت فجأة فاخبروني أني مسئولة عن نفسي وعن عملي وأني أستطيع الحياة وحدي وأن بطاقتي الشخصيه تثبت هذا
ولكني فعلا أحيا طفلة
قد يكون عقلي في كلماتي يمثل عمري الحقيقي . فأنا على الورق فقط اكون انا كما أريدها دون زيف أو تردد أو خوف
لكن في الحياة التي لا أحبها فانه يرهقني الكره والحقد .......... ترهقني الدنيا بمشكلاتها فعلا اكرهها على الرغم من اني لا أكره إلا الكره
قد يرادُوك احساس الآن ... بل قد تُوقن وتقول في نفسك ما هذا التشاؤم ولكن سيدي انه ليس تشاؤما ولكن لعله يكون فقدان للرؤيه لبعض الوقت
قد يكون حان الوقت لان اصدق بطاقتي الشخصيه واخلع رداء الطفولة والبراءة و ارتدي رداء المسئولية وكم اكره المسئولية
ان الحياة اختبار جد صعب .... صعب جدا
وما مضي من عمر لن يعود بما يحمله من كل شيء ولا ادري ان كنت سأملك غيره ام لا؟ وتري ماذا ساحقق فيه هذا ما لا استطيع تصوره
فعلا

هناك 22 تعليقًا:

ليكوريكا يقول...

هكذا دائما نستيقظ من الاحلام

لا نتذكر سوي لحظات قليله

وربما لا نتذكرها اساسا

الحياه حلم

يمكن تحقيقه في بعض الأحيان

وفي البعض الآخر لا يزيد عن كونه حلم

كغيره من كثير من الأحلام "مع ايقاف التنفيذ"

اتركي يدك للدنيا ولا تعطي لرياح العمر أكثر من حقها

فالكل سيستنشق الهواء ...

والكل سيخرجه زفيراً .


كل عام وانتي غير نادمه علي ضياعه .


اتمنالك أفضل مما مضي ...

MOHAMMED ELBANNA يقول...

كل عام وانتى بخير
ربنا يبارك في عمرك وتحققي كل احلامك ان شاء الله ، تمسكي دائماً بالامل والعمل وبالتأكيد سوف يحالفك النجاح .
محمـــد
ـــــــــــــــ
اتمنى ان تشرفيني بزيارتك على مدونتي الجديده ( طريق النجاح )
http://tareekelnagah.blogspot.com/

صوت من مصر يقول...

كل سنه وانتى طيبه دايما يارب
بس على فكره انتى كده المفروض تاخدى اليوبيل البرونزى
حياتك امليها بنفسك متستنيش الزمن يملهالك

إبن مصر يقول...

السلام عليكم

وماذا تنتظرى من العمر فالعمر كله لا يساوى الا لحظه

وكما مثله سيد الخلق وقال انما الدنيا الا كأنها شجره استظل بها عابر سبيل ومضى

فهى ليست الأساس
واعلمى انه مهما طال العمر وفكرتى هل حققتى ما تريدين فى العمر الماضى لن تجدى ما حققتيه يكفيكى
وبالنسبه للمسؤوليه فهى مكروهه للجميع وليس لكى انتى
كم احببت ان اظل طفلا طيله عمرى ولكن من منا يستظيع ان يوقف الزمن والعداد ان لا يعد

ايتها الأرض المصريه
لكى كل التحيه والتقدير

موناليزا يقول...

ياحبيبتى كل سنة وانت طيبة وان شاء الله تكون سنة مميزة جدا ومليئة بالخير والسعادة
اشعر بكلماتك جدا فقد شعرتها سابقا واقربهم من كام يوم:)

حسن حنفى يقول...

كل سنه وحضرتك طيبه

ان شاء الله تقدري تخلي بقيت عمرك زي مانتي عاوزه

arsenalwy يقول...

كل سنة وانتى طيبة مقدما

وربنا يديكى العمر الطويل اللى تعيشيه فى حب ربنا

جميل اوى ان الواحد كل فترة يقف مع نفسه ويشوف هو رايح فين وعمل ايه واللى شايفه غلط يحاول يصلحه

دمتى بخير

محاولة لكسر الصمت يقول...

يؤلمني التفكير بأن التناسب بين البراءة وعدد سنوات العمر دائما عكسي, أتمنى لو استطيع أن أغير شيئا ما في المعادلة, أن أجمع أو أطرح, أن أفعل أي شيئ, لا لكي يكون التناسب طرديا-فلست أطمع بذلك- ولكن كي تكون البراءة مقدارا ثابتا لا يقبل التغيير...
لكنها لم ولن تكون كذلك, كلما مرت الأيام شعرت أن تلك الطفلة بداخلي تزداد ضعفا ووهنا, وأخشى أن تموت في النهاية...
عزيزتي..آسفة على حزني...
كل عام وأنت بخير...

شمس النهار يقول...

كل سنه وانت طيبه
انا من عشت 50 عام لااشعر بهم اطلاقا
العمر رحله عمرها لحظه الشاطر اللي يغلبها وينهل منها ذاد الاخره
ومايسبهاش تغره وتلهيه

r يقول...

الصراحه كلامك صادق لان فعلا العمر بيجرى مش حتى بيعدى قدام عنينا
وساعات الواحد بيحس انه اتأخر كتير فى حاجات كتيره كان ممكن يعملها بدرى جدا عن كدا
كيميت انا حاسه تمام باللى بتقولى عليا لانه شعور ملازم لى
بس دا ما يمنعش انى اقوللك كل سنه وانتى طيبه
والسنه الجايه باذن الله تعالى تكونى محققه كل احلامك واهنيكى عليها

دمتى بكل الخير

بنت الماضي يقول...

هحصلك :)
بس انا في يوم25 هكمل 23 سنه :)
حساهم برضو يادوب سنتين بس
مااتعلمتش كتير ولا عملت حاجه
ربنا يديكي طوله العمر وتفرحي وتتهني وتعملي...تتعلمي :)
عقبال مليون سنه

dina يقول...

بس بس ايه الكلام دا
استنى اما احتفل بيكى بعدين نتناقش
happy birthday to uuuuuuuuuu...happy birthday 2 uuuuuuu
عيد ميلاد الليلة مين...عيد ميلاد النونا...حنفرح ست الحلوين و نشيلها فى عيوننا

بصى يا ستى بقى.....عقبال مليون سنة...و الطفلة دى انا بحس انها بتفضل جوانا كلنا و مهما كبرنا هى موجودة....ممكن تكونى حاسة انك لسا موصلتيش للى عاوزاه فى شوية السنين دول....بس ابشرى....اول خطوة انك توصلى للى عايزاه انك تكونى مش موافقة عالوضع الحالى....يبقى خير....الجاى احسنننننننننن
كل سنة و انتى طيوبة يا قمرة

romansy يقول...

كل سنه وانتى طيبه
لا كل يوم وانتى طيبه
ويارب دايما تحققى كل اللى تتمنيه وتبنى قصرك بايدك مع الانسان اللى تتمنيه
دا قدرنا اننا نحلم ونحاول نحقق احلامنا مع اللى اللى نتمناه
متفكريش فى بكره خليكى فى اللحظه اللى احنا عايشينها

أنا حر يقول...

كل سنة وانت بالف خير
بس هي كده الحياة فعلا وهو ده احساسنا بيها مجرد قطرات مياه هي ماتبقى
اعتقد ان السؤال ده هيتسأل طول عمرنااحنا وصلنا للي عايزينة ولا لسا وياترى حققنا ايه طول حياتنا
لازم نمارس الحياة زي ما نحب وزي ما نقرر لانها حياتنا احنا اللي هنعيشها مرة واحدة
تحياتي

Tamer Alhosiny يقول...

عزيزتي
انتي عارفة بتفكريني بمين

بجد بتفكريني بيه في اليوم الاي الناس بتفرح معايا ببقي انا مشغول بالتفكير بالاي فات والاي جاي
صدقيني الدنيا تستحق منا ان نفتح لها قلوبنا
كوني كالفراشة طيري بين الزهور
لا يهم ان نحقق كل ما نحلم به المهم ان نبقي نحلم وتاكدي ان يوما ما ستتحقق احلامنا
بقدر قدرتنا علي الحلم

انا لية كلمة بحب اقولها

لما تحلمي احلمي قوي
بعنف وصدق واحساس
وعيشي حلمك في خيالك
هتشوفه علطول عنيكي

تحياتي

تامر الحسيني
انسان عاشق حر

kmt يقول...

السلام عليكم ورحمة الله وبركاته

بداية شكرا
شكرا شكرا شكرا

شكرا لاني بجد مبسوطه بتواصلكم معايا

محمد ( ليكو )
عارف المشكلة كمان ايه انك اوقات من كتر ما الحلم بيفضل حلم ان الواحد بينى ازاي يحلم .

محمد البنا
وانت بكل صحة وسلام

مدونتك اكيد زورتها ومن غير ماتتطلب
واسعدتني زيارتها

كيمو
وانت بصحة وسلام
اليوبيل
ماشى
والمتحف بقى ونعمل بانوراما D:


ابن مصر
وعليك السلام ورحمة الله وبركاته
معاك حق وصدق رسول الله صلى الله وعليه وسلم

موناليزا
وانتِ بصحة وسلام
ويارب يكون عامك هذا من اكثر اعوامك رضا وسلام وخير من الرحمن

حسن
وانت بخير
بجد
بجد
بيسعدني مرورك

تحياتي لكم جميعا
الى اللقاء

kmt يقول...

السلام عليكم ورحمة الله وبركاته

ارسنالاوي
وانت بصحة وسلام
المشكلة اننا بنقف
لكن منتحركش بعد ما نقف

دواير
تعرفي
انا بحبك جدا
وبحب دماغك
وبحس انها قريبه من تفكيري جدا
لا تعتذري ابدا هنا في هذا المكان فانت من حقك ان تتحدثي على هواكي انتِ

وانتِ بكل خير وصحة وسلام

شمس
تعرفي اني نفسي مش اوصل للعمر ده
ونفسي مش اعيش اد اللي عشته
لاني مش خايفه غير من
تغره وتلهيه

تحياتي لكم جميعا
الى اللقاء

kmt يقول...

السلام عليكم ورحمة الله وبركاته

بسنت
و انتِ بكل صحة وسلام
المهم اننا نعرف نحلم وبعدين نؤمن بأحلامنا والتانيه اصعب من الاولى

بنت الماضي
تعرفي ان كنت قلت خلاص باين ماعادتش عايزة تجي
بجد اسعدني مرورك
وكل لحظة وانت بخير وحب وسلام ورضا وراحة بال

دينا

هههههههههههههههههههههه
بجد شكرا
بحبك

رومنسي
كل لحظة وانت بخير وسلام وراحة بال
اوقات بننسى نعيش اللحظة من كتر تشابهها
اللحظة المميزة هيا اللي بنحسها
لكنها نادرة بس موجوده

احمد ( انا حر )
وانت بصحة وسلام
بس اوقات يا أحمد الحياة هيا اللي بتفرض علينا كيف نحياها
علشان كده انا مش بلا قيني الا ع الورق
ولما اكون وحدي بس

تامر الحسيني
اولا سعيدة جدا بمرورك
بجد
عارف انا بجد كنت صادقه في اني عمري صحيح 25 سنه لكن عايشه بمشاعر الاطفال
بحس اني كبيرة بس لما بكتب وكل مابكتب شيء بقرأة كتير جدا وبحس ان مش انا اللي طالع مني الافكار دي

تحياتي لكم جميعا
الى اللقاء

اوقات

Unknown يقول...

اولا كل عام وانت بخير
وكل سنة وانتى طيبة
وعيد ميلاد سعيد
وبعدين ليه التشاؤم دا العمر اللي فات فات بأيجابياتة وسلبياته ولكن العمر الجاي هو اللى محتاج مننا الكتير من التفكير حتى لانقع في اخطاء لايتحملها العمر الباقي
عزيزتى انا بدات الحياة بعد اتمام عامى 27 فتح الله عليا بالعمل ثم السفر للخارج الخطوبة وانشالله الزواج في الشهور القليلة القادمة فلاتيأسى من رحمة الله عله يخبئ الكثير منالخير لك في السنوات القادمة
تحياتى والى الامام

Sweet Violet يقول...

اولا كل سنه و انتى طيبه متأخر )):

اعذري تقصيرى .. انا فعلا فى ظروف متلغبطه قوووى

و بجد بشكرك على سؤالك الدائم عليا و الله انتى وحشانى اكتر

بس تعالى هنا .. ليه الحزن اللى فى البوست ده .. ده عيد ميلادك

ولا انتى بقى عايزة تهربى من هديه عيد الميلاد اللى انتى هتجبيها ليا (ايوة هو النظام بتاع ضد كده صاحب عيد الميلاد هو اللى بيجبلها هديه D: )

و كمان فى التورته و الشوكولاته عاااااااااااااااااااااااااااااااااااااااااااا

لالالا لن اتنازل عن حقى انا عايزة التورته و الشوكولاته و الهديه

بدل مااغرق المدونة دموع و ماحدش يعرف يدخل عليها و تفضلى تسمحى بقى و انا اغرق لحد ماتجيبى الهديه (نيهاهاهاها شريرة انا D: )

بس اسكتى بقى ده انتى طلعتى اكبر من بااربع شهور عااااااااااااااااااااااااااااااااااااا

لالالا استنى انتى فى 4 و انا فى 8 و الرياضة بتقول ان 8 اكبر من 4

يبقى انا الاكبر ( ايه رأيك فى الحسبه دى هههههههههه )

وحشانى ياقمر و الله و بعتذر لتانى مره على تقصيرى معاك

غير معرف يقول...

كل سنة وانتي طيبة ..

:)

kmt يقول...

السلام عليكم ورحمة الله وبركاته

medus
وانت بصحة وسلام

واللهي الفكرة مش تشاؤم بس احساس جوايا وعلشان اتخلص منه كان لازم احطه ع الورق

ضد
منورة بجد وبجد بجد مبسوطه بزيارتك جدا

غير معروف

وانت بصحة وسلام
:)
تحياتي لكم جميعا
الى اللقاء