الاثنين، 9 مارس 2009

صدق من قال

يوم الجمعة كنت عائده من عملي . ولكن ليس كالمعتاد وجدت اخوتي يخبروني انه هناك شخص يريد القدوم الى المنزل وأن أبي عندما يعود من الصلاة سيخبرك .
وجاء أبي واستمعت إليه فقال انه لا يعرف شيئا عنه مجرد انه ابن احد الجيران في احد الشوارع المجاورة لنا .......... فقلت في عقلي " ياسلام وايه المطلوب " . ويواصل ابي الحديث ويخبرني انه لم يراني ولكن كان يبحث عن عروس.
تركتهم بعد انتهاء الحديث الذي لم اعلم منه شيئا غير انه كان المطلوب مني الرد إما بالرفض أو بقبول أن يشرفنا هذا الشخص بالمنزل .
وصعدت الى سطح بيتنا الذي عاش معي ذكريات شتى وجلست افكر ........ وعاد الي الماضي فجأة وكأنه واقع الان تذكرت حبا مضي ودعته منذ مايزيد عن الشهرين – ضاق قلبي بتلك الذكرى – فوقفت انظر الى الشارع والاطفال تلعب في براءة لا يحملون للدنيا هم ولأول مرة منذ وداعي لهذا الحب اراه مرة اخرى يطل هو الاخر من شرفة منزله . ليس هذا المهم ولكني عجبت للامر وحسب .
ثم رأيت عمتي آتيه الي منزلنا فعلمت انها اتت لتخبرنا عن التفاصيل . في البداية لم ارد حضور الحوار فظللت على سطح البيت فترة ثم قررت النزول واستمعت الى الحديث الذي دار......
وكان ...... ان الاستاذ – وهذه هى مهنته – كان خاطبا حتي ايام قلائل وخطيبته تلك جارة لي بنفس الشارع وقد فشلت الخطبه ولكن لِما فشلت الخطبه ؟ قد فشلت الخطبه لانهم اختلفوا على مكان الزفاف !!!!!!! ما اثار الغضب و الدهشه داخلي هو هذا السبب العُجاب والاعجب انه كيف يخلع خطيبته التي اوشكت ان تُزف اليه من قلبه في ايام بالسهوله التي خلع بها دبلتها من اصبعه ليس هذا وحسب بل اخذ يبحث عن عروس جديده .!!!! فكرت فعلا انه ليس عريسا ولكنه سجانا يريد ان يضع عصفورا صغير في قفصه يفرح بشكله والوانه ولا يهتم لفرحه او احزانه. تسآءلت لماذا يريد المجيء الى بيتنا ليشاهد ماذا ؟هل ليشاهد عروس المولد ام عروس خشب يضعها في سجنه الذي فرشته اخري لمجرد ان السجن لا يظل فارغا . رفضت مجيئه ورفضت امي واخوتي ولكن يبقى السؤال هل كل من يبحثون عن الزواج يبحثون عن مجرد انثى تكون بالبيت تخدمه وتكون ام العيال وحسب؟ ليس هذا الزواج الذي امر به الله ولكنه عبوديه وسيطرة ليس لها من اساس غير انها مرض نفسي بنفس من يدعون انفسهم رجال وهم للاسف بعيدون عن هذه الصفة بعد السموات.
فالرجال قليل وصدق من قال .

هناك 17 تعليقًا:

نبيلة مسعود يقول...

السلام عليكم
والله بجد انا بقول نفس الكلام
الموقف ده بيحصلي كتير بس للاسف مش بيكون معايا حد زيك كدة في القصة
لا انا بس بقول لا والكل بيقولي هو حد لاقي جواز دلوقتي
يا سلااااااااااام علي الجواز اللي ربنا قال عنه مودة ورحمة وسكن
هو فين المودة والرحمة والسكن
اختفو من حياتنا
ربنا يوفقك

صوت من مصر يقول...

ممكن اقولك كلمه ممكن تكون لحد مش بيفهم انا انسان يعنى راجل شاب ممكن اكون زى الى جه لحضرتك بس للاسف مش بعرف اعمل زى حضرته الاستاذ المبجل لانه فعلا سجان لكن لعصفور ( معرفش اقول ايه مفيش بنت او ست عصفوره ) لكن ليه متختاريش انت نصيبك عن طريق الحب ليه بدل ما تختارى الجنه
هتختارى السجن انا لسه طالع من قصه طويله
وطبعا باين عليا لكن الموضوع وما فيه انى مش هتجوز غير عن حب؟
انا طولت جدا
معلش مش بعرف اتكلم فى الحب بس السياسه احلى ؟

Unknown يقول...

عزيزتى
الزواج التقليدي لايزال موجود في مجتمعاتنا ولكن مع وجود لابد من فترة طويلة لدراسة كل منكما الاخر ومعرفه مدي ملائمتكما لبعض والا كان الزواج جهنم .. وان من وجهة نظري تجربي يمكن يكون انسان كويس ودا ميمنعش ان الزواج القائم على اساس من الحب والثقة اتلتبادلة والصراحة المطلقة بين الطرفين هو اقصر الطرق لزواج دائم ناجح
ودا اللي عملته لما جيت اختار شريكة حياتي
تحياتي لك وربنا يهديكي للاخيار الصحيح

شمس النهار يقول...

اغرب حاجه في الموضوع ده انه يكون خاطب واحده وبيكمل معاها للزواج يعني بيحبها وعايزين بعض
طيب هو ده سبب والا مشكله يختلفوا عليها مكان الزفاف عشان الخطبه تتفسخ عشانه
اعتقد انهم كانوا مختلفيين في حاجات كتير والموضوع ده جه فجر حاجات كتير كانت تحت السطح
واعتقد كمان ان سبب عدم تمسكهم ببعض مش بس الاختلاف لا
السبب انه كمان لما جه يخطبها خطبها بنفس الاسلوب اللي كان عايز يخطب بيه تاني ويكرر نفس المشكله
بقا غريب نظرة المجتمع دلوقتي لموضوع الجواز ساعات بحس ان في ناس بتعتبره صفقه وناس بتعتبره فرصه
وهو والا ده والا ده
الجواز ده موضوع كبير قوي قوي

Tamer Alhosiny يقول...

عزيزتي kemet
انا طبعا قرات البوست اكتر من مرة وفكرت بشكل عميق جدا

انا شايف في رايي الشخصي ان الجواز اللتقليدي والصلونات مش افضل وسيلة للزواج
علشان كدة انا ضد الاسلوب ده

بس برضه سبب انتهاء العلاقة الاي حكيتي عنها
مكان الفرح يعني
مش معناه ان العريس انسان بيشتري جارية
ممكن تكون دي القشة التي كسرت ظهر البعير
ويكون في اسباب تانية محدش شايفها
اعمق واهم
يعني انا رايي الشخصي
انك برضه لازم تشوفي العريس وتتكلمي معاه
لكن لو حسيتي انه زي ما قلتي بيشتري جارية
يبقي طبعا لا يستحق انك تكملي معاه لحظة مش حياة كاملة
اما لو كان اتظلم وحسيتي انه انسان كويس يبقي تديي لنفسك فرصه للتفكير

انا عارف انك خارجة من تجربة سابقة انتي لمحتي ليها
علشان كدة لازم تنسي الاي فات وتبدائي من جديد
الحياة لا تقف

تحياتي
تامر الحسيني

blue-wave يقول...

دعينى احكى لكى قصة اخرى سيدتى ولكن من المنظور الأخر
شاب احب من اول نظرة
تقدم لخطبة من احب
عاش معها يفعل كل ما تحلم به وليس فقط ما تطلبه
استطاع تكوين نفسه واخذ شقه
ولكن الشقه لم تعجبها ف بمنتهى السهوله خيرته بين ان يغير الشقه او يأتى ليأخذ حاجياته
فقط هكذا
ان لم يولد الحب منذ البدايه فلن يولد قط
ومن لم يحب اسهل ما عليه ان يتخلى عمن احبه
تحياتى

romansy يقول...

الموقف دا بيحصل بس اقولك ان فيه بعض الناس بيحبوا يمتلكوا البنت بس ليه الاستاذ دا ساب الدنيا كلها واختارك من نفس المكان اكيد عاوز يبين انه عريس لقطه او انسان تافه

حسن حنفى يقول...

للاسف فيه ناس بقت شافه ان الزوجه مجرد واحده تيجي من غير شخصيه تسمع الكلام وتنفذ وبس

r يقول...
أزال المؤلف هذا التعليق.
r يقول...

معلش انا عدلت شويه علشان كدا مسحت الاولانى
انا هقولك بعد تجاربى فى موقف مشابه
ان لازم ما تحكمى على شخص بما سمعتيه
لابد ان تعطى فرصه للشخص انك تفهمى مبرراته ويشاركك فى الامر اسرتك لان الوالدين اكتر ناس يحبولك الخير
اما عن الرجال فدلوقتى اصبحت الاختيارات لا تخضع لاى قانون فمنهم من يعجب بكى وبعقللك ولكنه يريد واحده تجلس فى البيت تنتظره وتربى اولاده وبس ومنهم من يريد الاقل تعليماحتى لا تكون اعلى منه ولاتنين مبدأ العصفوره
ومنهم من يريد صاحبه الوظيفه التى تشاركه المصاريف اللى المفروض ملزومه منه
فهم الاخر اصبحت مشكله جدا والاختيار اصبح شديد الصعوبه
اخيرا ادعو الله ان يوفقك لمن يحب ويرضى
دمتى بخير

موناليزا يقول...

ربنا يرزقك بالزوج الصالح ويحميكى من كل شر
عجبتينى جدا لما اهتميتى تسألى عن سبب فسخ خطبته وان تحكمى على اساسه

أنا حر يقول...

احلى حاجة انك اخدتي القرار الصح في الموضوع ده
الجواز بقى مجرد عادة بنقلد بعض بيها من غير ما نحب ونعيش الحب ونختار
للاسف كل شيء دلوقتي بقى خالي من الاحساس الصادق زي ما هو خالي من هدفه الحقيقي بالظبط
تحياتي

محاولة لكسر الصمت يقول...

لا أدري هل أنا أخطات الفهم أم ماذا, لكن ما فهمته أن رفضك لهذا(العريس) لم يكن اعتراضا على طريقة الزواج التقليدي وإنما على شخص المتقدم,
ولكن عموما ففي رايي أن المشكلة لم تعد في الطريقة التي يتم بها الزواج بقد ما هي في فكر الذين يتم تزويجهم, وأقولها تزويجهم, لأنها الحقيقة, فقليلون هم من ينظرون إلى الزواج كما أمرنا الله أن نفعل, أعتقد أن فهمنا الصحيح لكلمة(سكن) التي أخبرنا الله بها, هو كاف كي نعرف المعنى الصحيح للزواج...

Unknown يقول...

معاك حق في قرارك ده
والاختيار مش سهل فدققة في الاحتيار ومالكيش دعوة بالناس اللي حولكي

وأدعوك لزيارة مدونتي والمشاركة فيها

Sweet Violet يقول...

لا طبعا مش كلهم فى لسه اللى عارف مفهوم الزواج الصح

ربنا يرزقك بالزوج الصالح

doaa يقول...

والله يابنتي ساعات الواحد كتير بتحصلوا
مواقف سخيفة كده وخصوصا بقى لما الواحدة تدبس في موقف وهي مش عارفة إن في عريس في المكان

طبعا كلامك صح ده عايز يتجوز أي بنت وخلاص ده حتى ما شافكيش زي ما بتقولي عشان نقول حتى إن في راحة نفسية ناحيتك مثلاً

وفقك الله بالزوج الصالح الذي يسعد قلبك

jlvdk يقول...

وللأسف هذه هى المأساه التى تعيشها كل بنت فى مصر والعالم العربى أيضا
أن يأتى رجل ما يريد إلا الزواج فقط الزواج ولا شيئ غيره
ولأنك لم تسألى عن السبب فى هذه الكارثة فلن اتحدث أكثر من ذلك